अभिनेते ज्युनिअर महमूद यांचं निधन, कॅन्सरशी झुंज अयशस्वी
मनोरंजन चे व्हिडिओ सबस्क्राईब करा
मागील काही दिवसांपासून कॅन्सरशी लढा देणारे ज्येष्ठ अभिनेते ज्युनिअर महमूद यांची आजाराशी झुंज अयशस्वी ठरली. ज्युनिअर महमूद यांचं ७ डिसेंबरच्या रात्री निधन झालं. वयाच्या ६७व्या वर्षी त्यांनी अखेरचा श्वास घेतला. ज्युनिअर महमूद यांचे जवळचे मित्र सलाम काजी यांनी त्यांच्या निधनाचं वृत्त दिलं. मागील अनेक दिवसांपासून ज्युनिअर महमूद कॅन्सरशी झुंजत होते. त्यांनी काही दिवसांपूर्वी त्यांचे मित्र आणि अभिनेते जितेंद्र आणि सचिन पिळगावकर यांना भेटण्याची इच्छा व्यक्त केली होती. त्यांच्या या दोन्ही मित्रांनी त्यांची ही इच्छा देखील पूर्ण केली होती.