कर्जत-जामखेडमध्ये अजित दादांची सगळीकडूनच अडचण झाली, एकीकडून रोहित पवार, दुसरीकडे भाजपने अडकवलं
अहमदनगर चे व्हिडिओ सबस्क्राईब करा
ग्रामपंचायत निवडणुकीत अजित पवार गटाचा बोलबाला पहायला मिळतोय. राज्यात २३५९ ग्रामपंचायतीच्या निवडणुका पार पडल्या. त्यातील सध्या ३९० जागांवर अजित पवार गटानं बाजी मारली. बारामतीत भाजपनं खातं उघडलं असलं तरी अजित पवाराचं वर्चस्व कायम आहे. मात्र कर्जत जामखेडमध्ये मात्र दोन्ही पवार गटाला राम शिंदे यांनी धोबीपछाड दिला आहे.राष्ट्रवादी काँग्रेस शरद पवार गटाचे आमदार रोहित पवार यांना त्यांचा मतदार संघ असणाऱ्या कर्जत जामखेडमधील ग्रामपंचायत निवडणुकीत धक्का बसला. तर अजित पवार गटालाही म्हणावं तसं यश हाती आलं नाही.कर्जत तालुक्यामध्ये सहा ग्रामपंचायती तर जामखेड तालुक्यांतील तीन ग्रामपंचायती अशा एकूण ९ ग्रामपंचायतीसाठी निवडणूक झाली होती. कर्जत व जामखेड तालुक्यातील ९ पैकी ५ ग्रामपंचायती जिंकून भाजपचे माजी मंत्री राम शिंदे यांनी राष्ट्रवादीचे आमदार रोहित पवार यांना धक्का दिला आहे. रोहित पवार यांच्या समर्थकांना दोन गावांत यश मिळाले आहे. मात्र अजित पवार गटाला एका जागेवर समाधान मानावं लागलं असून एका ठिकाणी स्थानिक आघाडीने विजय मिळविला आहे.