बच्चू कडू आक्रमक, प्रश्नांची सरबत्ती करत पोलिसांना धारेवर धरलं, अमित शाहांच्या सभेपूर्वी काय घडलं?
1130 views
अमरावती चे व्हिडिओ सबस्क्राईब कराविदर्भातील अमरावती मतदारसंघाकडे राज्याचे लक्ष लागले आहे.महायुतीच्या उमेदवार खासदार नवनीत राणा यांना भाजपाने तिकीट दिलं आहे.तर त्यांना आव्हान म्हणून प्रहार संघटनेचे अध्यक्ष बच्चू कडू यांनीही लोकसभेचा उमेदवार दिलाय.तर आनंदराज आंबेडकर हेही येथून निवडणूक लढवत आहेत.त्यामुळे, अमरावती लोकसभा मतदारसंघाची निवडणूक चौरंगी होणार आहे.केंद्रीय गृहमंत्री अमित शाह यांची २४ एप्रिलला अमरावतीमधील सायन्सकोर मैदानात सभा होत आहे.या सभेची तयारी सुरू असतानाच आमदार बच्चू कडू थेट मैदानावर पोहोचले.यावेळी, पोलिसांसोबत त्यांची बाचाबाची झाल्याचं दिसून आलं. अमित शाह यांच्या सभेमुळे पोलिसांनी त्यांच्या सभेसाठीची परवानगी नाकारली.त्यामुळे, बच्चू कडू आक्रमक होऊन सायन्सकोर मैदानावर कार्यकर्त्यांसह हजर झाले.या सगळ्या प्रकारानंतर बच्चू कडू यांनी माध्यमांना प्रतिक्रिया दिली आहे.