सिक्कीमच्या ढगफुटीत बीडचा जवान शहीद; आज शासकीय इतमामात अंत्यसंस्कार, धनंजय मुंडेंकडून कुटुंबाचे सांत्वन!
1181 views
बीड चे व्हिडिओ सबस्क्राईब करासिक्कीममधील ढगफुटीत बेपत्ता झालेले बीडचे जवान पांडुरंग तावरे शहीद झाले आहेत. बीड जिल्ह्यातील काकडहिरा ता. पाटोदा हे शहीद जवान पांडुरंग तावरे यांचं मूळ गाव आहे. मंगळवार (३ ऑक्टोबर) ला ढगफुटी झाल्यानंतर गंगटोक परिसरात तिस्ता नदीला पूर आला होता. त्यानंतर बीडचे पालकमंत्री धनंजय मुंडे यांनी त्यांच्या घरी जात कुटुंबाचे सांत्वन केले आहे. सुपुत्राने आपातकालीन परिस्थितीत लोकांचे प्राण वाचवले. या दृष्टीने मदत करताना आपले प्राणार्पण केले. त्याबद्दल कृतज्ञता व्यक्त करत धनंजय मुंडेंनी स्वर्गीय पांडुरंग अमर असल्याची भावना व्यक्त केली आहे. दुःखात सहभागी असल्याचे म्हणत धनंजय मुंडेंनी तावरे यांना भावपूर्ण श्रद्धांजली वाहिली आहे. आज वीर जवान पांडुरंग तावरे यांच्यावर शासकीय इतमामात अंत्यसंस्कार करण्यात येणार आहे.