तुम्ही माझी लोकसभेत काळजी घ्या, भर सभेत ज्येष्ठ नेत्यांची नावं घेत पंकजा मुंडेंची साद
2316 views
बीड चे व्हिडिओ सबस्क्राईब कराबीड जिल्ह्यातल्या शिरूर येथे सिद्धेश्वर देवस्थान संस्थेचा हरिनाम सप्ताह सांगता सोहळा पार पडला. या सोहळ्याला भाजप नेत्या पंकजा मुंडे, खासदार प्रीतम मुंडे यांची उपस्थिती होती. यावेळी भाषणामध्ये बोलताना पंकजा मुंडे यांनी एक महत्वाचं वक्तव्य केलं. त्या म्हणाल्या, मी सध्या माजी असून तुम्हाला काय देऊ असा प्रश्न मला पडतो. मंचावर बसलेले सुरेश धस, बाळासाहेब आजबे, प्रीतम मुंडे हे सत्ताधारी आहेत. त्यामुळे आजी लोकांनी माजी लोकांची काळजी घ्यावी. लोकसभेच्या निवडणुकीत तुम्ही माझी काळजी घ्या. पुढे मी तुमची घेईन असं पंकजा मुंडे म्हणाल्या. मला कोणी माजी केलं हे आता सांगता पण येत नाही, कारण सगळेच एकत्र आले आहेत. पण जेव्हा माझ्यावर रेड पडली तेव्हा माझ्यावर प्रेम करणाऱ्या लोकांनी ११ कोटी रुपये जमा केले होते. हे माझं लोकांच्या हृदयाशी जोडलेलं नातं आहे, असं देखील पंकजा मुंडे म्हणाल्या आहेत.