पती फोनवर बोलत होता, तेवढ्यात पत्नीला ट्रेनने उडवलं; रुळावर जाईपर्यंत सगळं संपलं होतं
1002 views
जळगाव चे व्हिडिओ सबस्क्राईब करारुळावरुन सर्रास चालणारी ही जी लोकं तुम्ही पाहताय ती जळगावातली आहेत.. याच रुळावर एका विवाहीत तरुणीचा मृत्यू झालाय.. सोमवारी रात्री १९ वर्षीय स्नेहल ही नेहमीप्रमाणे काम आटोपून घराकडे परतत होती. तिने तिच्या कानात हेडफोन लावले होते आणि ती रेल्वे रुळ ओलांडत होती. हेडफोनमुळे तिला समोरून येणाऱ्या रेल्वेचा आवाज ऐकू आला नाही. सुरत-भुसावळ पॅसेंजरची तिला जोरदार धडक बसून ती फेकली गेल्याने तिचा जागेवरच मृत्यू झाला. मृत्यूनंतरही हेडफोन तिच्या कानात आढळून आले. त्यामुळे हेडफोनमुळेच तिला रेल्वेचा अंदाज न आल्याने तिचा मृत्यू झाला असल्याचा अंदाज पोलिसांनी व्यक्त केला. हेडफोन कानात घालून ती पतीसोबत बोलत होती. बोलता बोलता अचानक फोन बंद झाला.. यानंतर स्नेहलच्या पतीने तिच्या वडिलांना ही माहिती दिली.. स्नेहले पतीसोबत भांडणं व्हायचे आणि याच तणावात ती असावी असं कुटुंबीयांचं म्हणणं आहे.