सचिनचा लकी नंबर अर्जुनच्या पाठीशी; जर्सीचे खास कनेक्शन!क्रिकेटचा मोठा चाहता वर्ग बऱ्याच काळापासून सचिन तेंडुलकरचा लेक अर्जुन तेंडुलकरने आयपीएलमध्ये पदार्पण करावे, याची वाट पाहत होते. अन् अखेरीस आयपीएल २०२३ च्या अर्जुन तेंडुलकरला मुंबई इंडियन्सकडून आयपीएलमध्ये पदार्पणाची संधी मिळाली. तर दुसऱ्या सामन्यात अर्जुन त्याच्या आयपीएल कारकिर्दीतील पहिली विकेट देखील घेतली.अर्जुनच्या बॉलिंग इतकंच अर्जुनच्या जर्सी नंबरने देखील सगळ्यांचे लक्ष वेधलं. अर्जुननं त्याच्या जर्सी नंबरसाठी २४ या अंकाची निवड केल्याचं दिसून येतंय. भारतीय क्रिकेटमध्ये १० नंबरची जर्सी ग्रेट बनवणाऱ्या सचिनच्या मुलाने हा नंबर का निवडला? हा प्रश्न प्रत्येकाच्या मनात असेल. बरं, या प्रश्नाचं उत्तर शोधण्याचा प्रयत्न केला असता फक्त अर्जुनच नाही तर त्याच्या वडिलांचाही या नंबरशी विशेष संबंध असल्याचं दिसून आलं.अर्जुन आणि सचिन या दोघांचा २४ तारखेला वाढदिवस असतो. सचिन तेंडुलकरचा जन्म २४ एप्रिल १९७३ रोजी झाला, तर दुसरीकडे अर्जुनचा जन्म २४ सप्टेंबर १९९९ रोजी झाला. कदाचित याच कारणामुळे अर्जुनने २४ नंबरची जर्सी निवडली असावी असं सांगितलं जातंय.