तुमच्यावर होणारा अन्याय पाहून एकतरी मंत्री नाराज झालाय का?, मातोश्रीवर आलेल्या सेवेकरींसोबत ठाकरेंचा संवाद!
1152 views
मुंबई चे व्हिडिओ सबस्क्राईब करामातोश्री येथे शिवसेना पक्ष प्रमुख उद्धव ठाकरे यांच्या भेटीला राज्यातील सेवेकऱ्यांनी मोठी गर्दी केली. पारंपारिक वेशभूषेत हे सेवेकरी नंदी बैलांसह मातोश्रीत दाखल झाले. यात वासुदेवाचा देखील समावेश असलेलं चित्र यावेळी पाहायला मिळालं.माजी मुख्यमंत्री उद्धव ठाकरे यांना भेटून त्यांनी त्यांच्या समस्या सोडविण्याची मागणी केली. त्यांच्या शिष्टमंडळाने उद्धव ठाकरे यांच्याकडे त्यांच्या मागण्यांचं निवेदन सादर केलं. यावेळी उद्धव ठाकरे यांनी भेटायला आलेल्या सेवेकऱ्यांना संबोधित देखील केलं आहे. ते म्हणाले, तुम्ही देवाची भक्ती करणारी माणसं आहेत. वासुदेव आल्यानंतर दिवसाची सुरुवात सुंदर व्हायची. मुंबईतही पूर्वी वासुदेव यायचे, तेव्हा वाटायची सकाळ झाली. पण आता तुमची परंपरा राहिली काय आणि नाही राहिली काय याचं कोणाला काहीही पडलेलं नाही. खुर्ची कशी टिकेल यावर सगळ्यांचं लक्ष आहे. अनेक मंत्री आज नाराज आहेत. पण तुमच्यावर होणारा अन्याय पाहून एकतरी मंत्री नाराज झालाय का?, अशी टीकाही त्यांनी सरकारवर केली. तसंच, तुमचा पाठिंबा असाच कायम ठेवा, अशी विनंतीही त्यांनी सेवेकऱ्यांना केली आहे.