वडिलांचा राजीनामा, माजी आमदार शरद पवारांच्या भेटीला, उद्धव ठाकरेंची धाकधूक पुन्हा वाढणार?
बबनराव घोलप हे शिर्डी लोकसभा मतदार संघासाठी इच्छुक होते. मात्र, भाजपचे माजी खासदार भाऊसाहेब वाकचौरे यांनी ठाकरे गटात प्रवेश केला. शिर्डी लोकसभा मतदारसंघात नव्या संपर्कप्रमुखांची निवड केल्यामुळे नाराज बबनराव घोलप यांनी राजीनामा दिला. अशातच त्याचे सुपूत्र आणि माजी आमदार योगेश घोलप यांनी मुंबईमध्ये शरद पवार यांची भेट घेतली. बऱ्याच दिवसापासून शरद पवार साहेबांची भेट घेण्याची इच्छा होती, अशी प्रतिक्रिया त्यांनी भेटीवर दिली. आज योगायोगाने मी मुंबईत होतो आणि साहेबही मुंबईत असल्याचे कळले म्हणून त्यांची भेट घेतली. कोणत्याही राजकीय उद्देशाने नव्हे तर साहेब मविआचे जेष्ठ नेते असल्याने त्यांची भेट घेतल्याचं ते यावेळी म्हणाले. या भेटीमुळे अजित पवार गटात असलेल्या आमदार सरोज आहेर यांना शह देण्यासाठी योगेश घोलप राष्ट्रवादीच्या वाटेवर असल्याच्या चर्चा आता राजकीय वर्तुळात सुरु झाल्या आहेत.
Curated by Vishranti Shinde|TimesXP Maharashtra|17 Sept 2023