ग्रामस्थांनी पैसे गोळा केले आणि माजी सरपंचाला दिली १४ लाखांची महिंद्रा कार भेट
1104 views
नांदेड चे व्हिडिओ सबस्क्राईब करागावाचा विकास केल्याने माजी सरपंचाला चार चाकी गाडी भेट दिली आहे असं तुम्ही ऐकलत का? नाही ना, पण नांदेडच्या एका गावातील ग्रामस्थांनी गावाचा कायापालट केल्याने माजी सरपंचाला महागाडी कार गिफ्ट म्हणून दिलीये.नांदेड शहरा लगत असलेल्या बोरगाव तेलंग या गावाचे माजी सरपंच अनिल पाटील बोरगावकर यांना ही कार भेट देण्यात आली आहे. गावाचा कारभार पाहणाऱ्या सरपंचाला गावकऱ्यांनी घटस्थापनेच्या मुहूर्तावर महिंद्रा गाडी भेट दिली आहे. बोरगावकर यांच्या कुटुंबाकडे मागील पंधरा वर्षांपासून गावचे सरपंच आहेत. अनिल पाटील बोरगावकर यांच्या पत्नी स्वाती बोरगावकर ह्या गावाच्या विद्यमान सरपंच आहेत. यापूर्वी अनिल पाटील हे दोन वेळेस सरपंच होते. विशेष म्हणजे मागील तीन टर्म बिनविरोध निवडून आले आहेत. बोरगावकर यांनी देखील गावाच्या विकासासाठी कुठ ही कमी पडू दिली नाही. गावाच्या विकासासाठी मुंबई इतर गावी जाण्यासाठी गावकऱ्यांनी लोकसहभागातून १४ लाख ५० हजार रुपये जमा केले आणि माजी सरपंच अनिल पाटील बोरगावकर यांना महिंद्रा नीवो कार भेट दिली.