स्वावलंबी बनण्यासाठी दोन मैत्रिणींची धडपड, एकत्र येऊन उभारला सॅनिटरी पॅडचा व्यवसाय
घरची परिस्थिती जेमतेम मात्र काही तरी करायची जिद्द.. याच जिद्दीवर नांदेड मधील दोन महिलांनी एकत्र येतं नॅपकिन आणि सॅनिटरी पॅड बनवण्याचा व्यवसाय सुरु केला. मनिषा राठोड आणि सत्यभामा राठोड अशी दोन मैत्रिणींची नाव.. हा व्यवसाय करायची कल्पना मनिषा यांची..हा व्यवसाय एकटीनं उभारणं शक्य नसल्याचं मनिषा यांच्या लक्षात आलं आणि त्यांनी या व्यवसायाची कल्पना आपली मैत्रीण सत्यभामा यांना सांगितली.त्यानंतर दोन्ही मैत्रिणींनी गाव सोडून नांदेड शहरात सत्यमणी हायजेनिक प्रोडक्टस नावाची कंपनी सुरु केली. ४० लाख रुपये खर्च करून सॅनिटरी पॅड आणि नॅपकिन बनवण्याची मशीन खरेदी करून केली. त्यानंतर शहरा लगत असलेल्या पु्यनी रोड जवळ त्यांनी कारखाना देखील सुरु केला. विशेष म्हणजे व्यवसाय सुरु करण्यासाठी त्यांनी कुठलेच कर्ज घेतले नाही.उत्तम दर्जा आणि स्वस्त दरात हे सॅनिटरी पॅड विकण्याचा प्रयत्न मनिषा आणि सत्यभामा करतात.या व्यवसायात चांगला फायदा होतं असून महिन्याकाठी एक लाख रुपये नफा या महिला कमावतात.चूल आणि मूल या पलिकडे जाऊन स्वावलंबी बनण्यासाठी धडपडणाऱ्या महिलांना जिद्दीच्या जोरावर उद्योग क्षेत्रात उतरुन आपलं नाव कमावता येतं हे या महिलांनी दाखवून दिलंय.nandedTimesXP MarathiUpdated: 8 Mar 2024, 6:48 pm