पोलिसाला रस्त्यातच हार्ट ॲटक, लोक व्हिडीओ काढत होते, पण एक तरुण मात्र ठरला देवदूत अन् अनर्थ टळला
1142 views
नाशिक चे व्हिडिओ सबस्क्राईब करादेव तारी त्याला कोण मारी याचा प्रत्यय मनमाड शहरातील एका प्रसंगावरून आलाय. नागेश दांडे नावाचा रेल्वे पोलीस दुचाकीवरून ड्युटीवर जात असताना शहरातील मुख्य बाजार पेठेत त्यांच्या छातीत दुखू लागले आणि ते दुचाकीवरून खाली पडले. अचानक घडलेल्या या घटनेमुळे तेथे मोठ्या प्रमाणात गर्दी झाली. कोणी व्हिडीओ काढत होता तर कोणी दारू पीऊन पडल्याचं सांगत होतं. मात्र त्याच मार्गावरुन भागवत झाल्टे हा तरुण जात असताना गर्दी पाहून तो थांबला आणि त्याच्या लक्षात आलं पोलिसाला हार्ट अटॅक आला आहे. झाल्टे यांनी क्षणाचाही विलंब न करता दोन्ही हाताने त्याच्या छातीवर दोन तीन वेळा दाब दिला. त्यानंतर त्याला तोंडाने श्वसोश्वास दिला.असं तीनचार वेळा केल्यानंतर पोलीस कर्मचारी नागेश शुद्धीवर आले. त्यानंतर त्यांना तातडीने हॉस्पिटलमध्ये नेण्यात आले. डॉक्टरांनी तपासणी केली असता नागेशला हृदय विकाराचा जोरदार धक्का बसल्याचे निष्पन्न झाले. मात्र, झाल्टे यांनी दाखविलेल्या समयसूचकतेमुळे त्यांचे प्राण वाचले. एका प्रकारे नागेशसाठी भागवत झाल्टे हे देवदूत ठरले.