सीमेवर चांदवडचा जवान विकी चव्हाण यांना वीरमरण; अंत्ययात्रेत वडील धाय मोकलून रडले
1426 views
नाशिक चे व्हिडिओ सबस्क्राईब कराजम्मू काश्मीरच्या पुंछ येथे कर्तव्य बजावत असताना चांदवडच्या हरनुल येथील जवान विकी चव्हाण यांना वीर मरण आलं. चव्हाण महार रेजिमेंटमध्ये शिपाई पदावर कार्यरत होते. ग्रीको रोमन रेसलरचा सराव करीत असताना शनिवारी त्यांचा मृत्यू झाला. विकी चव्हाण यांचं पार्थिव चांदवड येथे दाखल झालं अन् पंचक्रोशीतील जनसमुदाय उसळला. यावेळी भारत माता की जय, वीर जवान तुझे सलाम यासारख्या घोषणांनी परिसर दुमदुमून गेला. विकी चव्हाणांच्या अंत्ययात्रेत वडिलांचं रडणं पाहून सर्वांचे डोळे पाणावले. काळजाचा तुकडा गेल्यानं आई-वडीलांवर दु:खाचा डोंगर कोसळलाय. लेकानं स्वप्न पाहिलं, देशाचं संरक्षण केलं पण त्याच्या निधनानं कुटुबियांच्या मनात सर्वस्व गमावल्याची भावना आहे. ज्या वर्दीसाठी विकी चव्हाण यांनी जीव गमावला त्या वर्दीला स्पर्श करताच आई वडिल बहिणीने आक्रोश केला. विकी चव्हाण यांच्या देशभक्तीला महाराष्ट्र टाइम्स ऑनलाइनकडून सलाम.