सार्वजनिक शौचालयात थाटला सैराट बार; बार व्यवसायिकाचा कारनामा, नवी मुंबईतला धक्कादायक प्रकार
1020 views
नवी मुंबई चे व्हिडिओ सबस्क्राईब करानवी मुंबई मधील एपीएमसीमध्ये एक धक्कादायक प्रकार समोर आला आहे. आतापर्यंत अनधिकृत जागेवर बार उभारल्याच्या अनेक बातम्या पाहिल्या आणि ऐकल्या आहेत पण सरकारचे सार्वजनिक शौचालय बळकावून बार उभारल्याची घटना नवी मुंबईत घडली आहे. नवी मुंबईमध्ये एपीएमसीमध्ये शौचालयाचे बारमध्ये रुपांतर करण्यात आले आहे. असा दावा महाराष्ट्र नवनिर्माण सेना उपशहर प्रमुख विनोद पार्टे यांनी केला आहे. एपीएमसी ट्रक टर्मिनल जवळ येणाऱ्या नागरिकांसाठी हे शौचालय बांधण्यात आले होते. एका बार व्यवसायिकाने अतिक्रमण करत या शौचालयाच्या आतमध्ये थेट बारची निर्मिती केल्याचं विनोद पार्टे म्हणाले. या ठिकाणी बारच्या कर्मचाऱ्यांना विचारणा केली असता बार मालक कोण या विषयी माहिती नसल्याचे सांगण्यात आले. मात्र सदर शौचालय हे महानगर पालिकेच्या मालकीचे नसून सिडकोकडे आहे. त्यामुळे त्याच्यावर सिडकोचा अधिकार आहे. सदर परिस्थिती बाबत सिडकोला पत्राद्वारे कळवण्यात आले आहे. नवी मुंबईतील बार व्यवसायिकांना ना पोलिसांची भीती राहिली नाही का असे प्रश्न आता विचारण्यात येत आहेत.