बंद पडलेल्या एसटीतील प्रवाशांना सुप्रिया सुळेंच्या गाडीतून लिफ्ट, प्रवाशांनी मानले आभार!
1372 views
पुणे चे व्हिडिओ सबस्क्राईब कराकडक उन्हात सांगलीकडे निघालेली एक बस रस्त्यातच बंद पडली. दुपारी साडेतीनच्या सुमारास रस्त्यावर शिंदेवाडी परिसर येथे घटना घडली. बसमधील सर्व प्रवाशी, लहान मुलं, ज्येष्ठ नागरिक उन्हातच बसजवळ उभे होते. या रस्त्यावरुन भोरच्या दिशेने निघालेल्या सुप्रिया सुळेंनी प्रवाशांची मदत केली. तातडीने हालचाल करत काही प्रवाशांना स्वतःच्या गाडीत बसवून घेतले. तर काही प्रवाशांना कार्यकर्त्यांच्या गाडीत बसवून घेण्याच्या सूचना दिल्या. मागून काही एसटी गाड्या सातारा रस्त्यावर धावत होत्या, त्यांना थांबण्याची विनंती केली. सर्व प्रवाशांना खेड शिवापूर टोल नाका परिसरात सुखरुप पाठवले गेले. यावेळी खासदार सुप्रिया सुळे यांचे गाडीतील सर्व प्रवाशांनी आभार मानले.