पतीचं आजारपण, पेपरचा व्यवसाय ठप्प; पत्नीने कंबर कसली, दररोज स्वत: करतात ३५० घरात वाटप
1427 views
पुणे चे व्हिडिओ सबस्क्राईब कराया आहेत पुण्याच्या रेश्मा मोरे...पतीच्या गंभीर आजारपणात उत्तम चालणारा पेपर लाईनचा व्यवसाय रखडला...अन् जबाबदाऱ्या दुप्पटीने वाढल्या...मग काय? सगळी आव्हानं पेलायला रेश्मा ताकदीने तयार झाल्या....पतीचा व्यवसाय पुन्हा उभारण्यापासून पतीसह संपूर्ण कुटुंबाला सांभाळण्यापर्यंत सारं काही हसतमुखानं केलं.पॅरेलेसिसच्या अटॅक नंतर रेश्मा यांचे पती अजय पुन्हा आपलं काम करु शकले नाहीत...पण पत्नीमुळे आपला व्यवसाय वाचला...अन् तिच्या कष्टांनी संसाराचा गाडाही सुरुळीत झाल्याचं समाधान असल्याचं ते सांगतात.नवऱ्याला मृत्यूच्या दारातून खेचून आणलं, जगण्याची नवी उमेद दिली अन् रखडलेला व्यवसाय पुन्हा रुळावर आणून रेश्मा अख्ख्या कुटुंबाचा आधार बनल्या.आज पतीपेक्षाही जास्त वेगाने आता रेश्मा आपलं हे पेपरलाईनचं काम करतात...हसरा चेहराच आपली खरी ताकद अन् आपल्या यशाचं गमक असल्याचा विश्वास रेश्मा यांना आहे...कठीण काळात रेश्मा मोरेंनी दाखवलेलं हे धैर्य प्रचंड ऊर्जादायी आहे...त्यांच्यासारख्या अशा असंख्य महिलांना आम्ही सलाम करतो.