शिरुर लोकसभेसाठी इच्छुकांची मोठ्ठाली यादी; राष्ट्रवादीच्या आणखी एका नेत्याची बॅनरबाजी
पुणे चे व्हिडिओ सबस्क्राईब करा
मविआकडून आता २०२४ च्या लोकसभा निवडणुकीची तयारी सुरू झाल्याचं चित्र पाहायला मिळत आहे. लोकसभेसाठी ठाकरे गटाने १८ जागांवर दावा केल्यानंतर राष्ट्रवादीकडूनही समान जागांसाठी प्रस्ताव ठेवण्यात आला आहे. मात्र, आता राष्ट्रवादी काँग्रेसमधून येत्या लोकसभेसाठी आणखी एका नेत्याने दावा ठोकल्याचं पहायला मिळत आहे. भोसरीचे पहिले आमदार आणि राष्ट्रवादीचे नेते विलास लांडे आता खासदारकीसाठी इच्छुक असल्याचं बोललं जात आहे. विलास लांडेंच्या वाढदिवसानिमित्त बॅनर बाजी करण्यात आली असून भावी खासदार असा उल्लेख करण्यात आला आहे.