मोरवणे गावचे सुपुत्र शहीद अजय ढगळे पंचत्वात विलीन; शासकीय इतमामात अंत्यसंस्कार, मुलीने दिला मुखाग्नी
1112 views
रत्नागिरी चे व्हिडिओ सबस्क्राईब कराशहीद अजय ढगळेंवर आज (४ एप्रिल) शासकीय ईतमामात अंत्यसंस्कार करण्यात आले. शहीद अजय ढगळेंच्या पार्थिवावर शोकाकुल वातावरणात अंत्यसंस्कार करण्यात आले आहेत. मोरवणे या गावी शहीद अजय ढगळेंच्या पार्थिवाला मुलगी रिया हिने मुखाग्नी दिला आहे. ढगळेंचं पार्थिव काल (३ एप्रिल) भारतीय वायुसेनेच्या विशेष विमानाने रत्नागिरीत आणण्यात आलं. ४६ वर्षीय सुभेदार अजय ढगळे हे गेली जवळपास २७ वर्षे देशसेवेत होते. अजय ढगळे २७ मार्चला भारत चीन सीमेवर तवांग परिसरात रस्त्याच्या रेकीसाठी गेले होते. त्यावेळी, झालेल्या भूस्खलनात सुभेदार ढगळे शहीद झाले. दरम्यान, शहीद अजय ढगळेंच्या अंत्यसंस्कारसाठी मोठा जनसमुदाय जमला होता. पालकमंत्री उदय सामंत, आमदार शेखर निकम यांसह माजी सैनिकांचीही उपस्थिती होती.