हिंदू-मुस्लिम ऐक्याचे प्रतीक, १५० वर्षांची परंपरा, सांगलीतील कडेगावमध्ये 'मोहरम'चा दिमाखदार सोहळा!
1161 views
सांगली चे व्हिडिओ सबस्क्राईब कराहिंदू-मुस्लिम ऐक्याचे प्रतीक मानल्या जाणाऱ्या सांगलीतील कडेगावमध्ये मोहरम उत्साहात संपन्न झाला. गेली दीडशे वर्षांपासून कडेगावमध्ये गगनचुंबी ताबूत भेटीचा सोहळा पार पडतो. यानिमित्ताने गगनचुंबी ताबूत भेटींचा अनोखा सोहळा पार पडला.हा सोहळा पाहण्यासाठी हजारो भाविकांनी कडेगावमध्ये उपस्थिती लावली होती. गावातील हिंदू समाजाचे सात आणि मुस्लिम समाजाचे सात ताबूत असतात. कडेगाव शहरातील जुने एसटी स्टँड चौकात ताबूत भेटी पार पडल्या. गावातील मानकऱ्यांना वाजत-गाजत ताबूताच्या ठिकाणी आणण्यात आले. त्यानंतर पूजा करून मानाचा सातभाई यांचा उंच ताबूत दुपारी उचलण्यात आला. येथून भेटी सोहळ्यास प्रारंभ झाला. हा ताबूत वीज बोर्ड जवळ येऊन थांबला. हा सोहळा पाहण्यासाठी महाराष्ट्र आणि कर्नाटक राज्यातून हजारो भाविक आले होते. डोळ्याचे पारणे फेडणाऱ्या या नेत्रदीपक सोहळ्यात गगनचुंबी ताबूत पाहून भाविक मंत्रमुग्ध झाले.