बालपणी बाबासाहेबांनी जिथं पहिले शिक्षणाचे धडे गिरवले, ती शाळा आजही दिमाखात उभी
1166 views
सातारा चे व्हिडिओ सबस्क्राईब करायाच शाळेत कधी काळी डॉ. बाबासाहेब आंबेडकरांनी प्राथमिक शिक्षणाचे धडे गिरवले. डॉ. बाबासाहेब आंबेडकर यांनी ७ नोव्हेंबर १९०० साली सातारा येथील सरकारी हायस्कूलमध्ये त्यांनी प्रवेश घेतला होता. आज ही शाळा श्रीमंत छत्रपती प्रतापसिंह हायस्कूल म्हणून ओळखली जाते. सातारा सरकारी शाळा राजवाडा परिसरात एका वाड्यात भरवली जात असे. आजही हा वाडा इतिहासाची साक्ष देत दिमाखात उभा आहे.हा वाडा १८२४ साली छत्रपती शिवाजी महाराजांचे वारसदार प्रतापसिंहराजे भोसले यांनी बांधला. त्यावेळी राजघराण्यातल्या मुलींच्या शिक्षणाची व्यवस्था या वाड्यात केली जायची. १८५१ साली हा वाडा विद्यार्थ्यांच्या शाळेसाठी ब्रिटिश सरकारच्या ताब्यात देण्यात आला. आंबेडकरांचे वडील सुभेदार रामजी सपकाळ हे सेवानिवृत्त झाल्यावर साताऱ्यात लष्करी भागात वास्तव्यास होते. १८९६ च्या नोव्हेंबर महिन्यात सातारा येथील कॅम्प स्कूल या मराठी शाळेमध्ये भीमरावाचे नाव दाखल केले. साताऱ्यातील कॅम्प स्कूलमधील मराठी शिक्षण पूर्ण केल्यानंतर बाबासाहेबांच्या वडिलांनी त्यांचे नाव साताऱ्यातील गव्हर्नमेंट हायस्कूल म्हणजेच आताच्या प्रतापसिंह हायस्कूलमध्ये नोंदवून शाळेत प्रवेश घेतला.त्याचे दाखले आजही या शाळेत आढळतात.