विजयसिंह मोहिते पाटलांच्या शिलेदाराचा शेकडो कार्यकर्त्यांसह काँग्रेसमध्ये प्रवेश, सोलापुरात काय घडलं?
सोलापूर चे व्हिडिओ सबस्क्राईब करा
आगामी लोकसभा आणि विधानसभा निवडणुकीच्या पार्श्वभूमीवर राज्यात वेगवेगळ्या घडामोडी सुरु आहेत. शुक्रवारी सोलापूर दक्षिण विधानसभा मतदारसंघातील तिऱ्हे या गावचे नेते आणि सिद्धेश्वर साखर कारखान्याचे....माजी संचालक भारत जाधव यांनी शेकडो कार्यकर्त्यांसह काँग्रेसमध्ये प्रवेश केला आहे.माजी केंद्रीय गृहमंत्री सुशीलकुमार शिंदे यांच्या नेतृत्वात हा पक्ष प्रवेशाचा कार्यक्रम पार पडला.भारत जाधव यांचा उत्तर सोलापूर तालुक्यात दांडगा जनसंपर्क आहे.शेतकऱ्यांच्या प्रश्नावर सातत्याने त्यांनी आवाज उठवून न्याय मिळवून दिला.सीना नदीचा पाणीप्रश्न, ऊसदराचे आंदोलन, मराठा आरक्षण, यासाठी भारत जाधव यांनी सक्रिय सहभाग घेतला.जनतेच्या प्रश्नाला वाचा फोडण्याचे त्यांनी याआधी काम केले आहे.भारत जाधव यांनी प्रवेश करताच कोणत्याही पदाची अपेक्षा न करता उत्तर सोलापूर तालुक्याला...पुन्हा गत वैभव प्राप्त करून देण्यासाठी तालुक्यातील बुथ यंत्रणा सक्षम करण्याचा शब्द दिला.भारत जाधव यांची विजयसिह मोहिते पाटील यांचा कट्टर समर्थक म्हणून ओळख होती.विजयसिंह राष्ट्रवादीत असताना, उत्तर सोलापूर तालुका राष्ट्रवादीमय केला होता.