शिवसेनेच्या लोकांची बेकायदाशीर बांधकामं, मंत्री रवींद्र चव्हाणांसमोरच भाजप आमदाराचा शिंदेंवर निशाणा!
कल्याणमध्ये भाजपच्या कार्यकारणी नियुक्ती समारंभ चालू असतानाच आणि मंत्री रवींद्र चव्हाण उपस्थित असतानाच भाजपचे आमदार गणपत गायकवाड यांनी शिवसेनेवर निशाणा साधला. आमदार गणपत गायकवाड यांनी शिवसेनेवर हल्लाबोल करताना त्यांनी शिंदेंवर निशाणा साधला. आमदार गणपत गायकवाड म्हणाले, आता धनुष्यबाणा पेक्षा रॉकेट पण चालतात. त्यांच्याकडे धनुष्यबाण आहे तर माझ्याकडेपण रॉकेट आहे, असा टोला त्यांनी शिंदे गटाला लगावला. मंत्री रवींद्र चव्हाणांसमोरच त्यांनी हल्लाबोल केल्याने त्याची जोरदार चर्चा सुरु झाली आहे. निधीवरूनही आमदार गणपत गायकवाड यांनी शिवसेनेला लक्ष्य केले आहे. कल्याण पूर्वेसाठी १२९ कोटींची मी मंजूर केलेली कामे आता दुसऱ्याच नावाने सुरू आहेत, असंही ते म्हणाले. त्यामुळे कल्याणमध्ये गायकवाड विरुद्ध शिवसेना असा सामना रंगणार का असा सवालही उपस्थित केला जातोय.
Curated by Vishranti Shinde|TimesXP Maharashtra|17 Sept 2023