केरळच्या मलप्पुरममध्ये डबल डेकर बोट उलटली; 21 पर्यटकांचा बुडून मृत्यू, 10 जण बचावले
1148 views
देश-विदेश चे व्हिडिओ सबस्क्राईब कराकेरळमधील मलप्पुरम जिल्ह्यात रविवारी पर्यटकांची बोट उलटून 21 जणांचा मृत्यू झाला. पीटीआय या वृत्तसंस्थेनुसार, बोटीत 40 हून अधिक लोक होते. मृतांमध्ये बहुतेक मुले आणि महिला आहेत. 4 जणांना गंभीर अवस्थेत कोट्टाक्कल रुग्णालयात दाखल करण्यात आले आहे.या बोटीवर सुमारे 40 पर्यटक होते. तनूरजवळ ही दुर्घटना घडली. केरळचे मंत्री व्ही. अब्दुररहमान यांनी दिलेल्या माहितीनुसार, संध्याकाळी सात वाजेच्या सुमारास थूवल थेरम टूरिस्ट स्पॉटवर पुरपुझा नदीत ही दुर्घटना झाली. बचावकार्य सुरू आहे. बोटीवर असलेले पर्यटक मलप्पुरम जिल्ह्यातील परप्पनंगडी आणि तनूर भागातीलच होते. येथे बोट चालकांना सायंकाळी ५ वाजेपर्यंतच बोट चालवण्याची परवानगी आहे.पंतप्रधान नरेंद्र मोदी यांनी ट्विट करून अपघाताबद्दल शोक व्यक्त केला आहे. तसेच प्रत्येक मृताच्या नातेवाईकांना PMNRF कडून 2 लाख रुपये जाहिर करण्यात आले आहेत.