ग्वालियरमध्ये फिरताना आजही मराठ्यांनी उभारलेलं साम्राज्य मराठी माणसाचा ऊर भरुन आणतं
2519 views
देश-विदेश चे व्हिडिओ सबस्क्राईब कराग्वालियरमधला प्रसिद्ध नाष्टा केल्यानंतर आम्ही शहराची सफर सुरू केली.. शहरातले मराठ्यांचा इतिहास दाखवणारे ठिकठिकाणच्या चौकातले पुतळे शिंदे घराण्याच्या इतिहासात आणखी डोकावण्याची चाहूल देत होते.. शिंदे महलच्या आवारात गेल्यानंतर तर मराठ्यांचं वैभवच डोळ्यासमोर लख्ख उभा राहिलं. पेशवेंचा अत्यंत विश्वासू शिलेदार असलेल्या राणोजी शिंदेंनी मध्य प्रदेशातल्या मालवामध्ये आपले भक्कम पाय रोवले आणि उज्जैलना राजधानी बनवलं.. जयाजीराव, ज्योतिबाराव, जानकोजीराव आणि महाडजी शिंदे हे शिंदे घराण्यातले उत्तराधिकारी होऊन गेले.. १८ व्या शतकापर्यंत शिंदे घराण्याची सत्ता मजबूत बनली.. पण १८१८ नंतर ब्रिटिशांच्या अटी मान्य करुन शिंदे घराण्याने आपली सत्ता उज्जैनहून ग्वालियरला हलवली.. आधुनिक भारताच्या राजकारणातही शिंदे घराण्याने आपली छाप सोडली.. विजयाराजे शिंदे या भाजपातल्या प्रमुख नेत्या राहिल्या, त्यांचे चिरंजीव माधवराव शिंदे हे काँग्रेसमधील दिग्गज नेत्यांपैकी एक होऊन गेले, त्यांच्या अपघाती निधनानंतर ज्योतिरादित्य शिंदे यांनी काँग्रेसमधून आपली कारकीर्द सुरु केली आणि सध्या ते भाजपात केंद्रीय मंत्री आहेत.. ग्वालियर शहरातल्या रस्त्यावरुन फिरताना शिंदे घराण्याच्या इतिहासात डोकावल्यानंतर आम्ही पुढे शहरातूनच दिसणाऱ्या ग्वाल्हेर किल्ल्यावर गेलो.. अनेक शासकांच्या सत्तेचा साक्षीदार राहिलेला हा किल्लाही ऐतिहासिक आहे..