सेंट्रल हॉलमध्ये एक हजार लोक बसतील एवढी क्षमता, नवीन संसद भवनाचा पहिला व्हिडिओ समोर!
देश-विदेश चे व्हिडिओ सबस्क्राईब करा
संसद भवनाची नवी इमारत... ज्यांचं पहिला व्हिडिओ नुकताच समोर आलाय. संसदेची ही इमारत चार मजली आहे तर या संसदेला सहा प्रवेशद्वार आहेत. या संसद भवनात लोकसभेचे एक हजार आणि राज्यसभेचे जवळपास ४०० खासदार बसू शकतील अशी बैठक व्यवस्था करण्यात आली आहे. नव्या संसद भवनात प्रत्येकासमोर छोटे बाक असतील. तसेच या बाकांमध्ये हजेरी, मतदान तसेच भाषांतर ऐकण्यासाठी अत्याधुनिक सुविधा असतील. याशिवाय या इमारतीत १२० कार्यालयं, म्युझियम तसेच गॅलरीही असतील. येत्या २८ मे रोजी नवी दिल्ली येथे या नव्या संसद भवनाचं उदघाटन लोकसभेचे अध्यक्ष ओम बिर्ला यांच्या प्रमुख उपस्थितीत पंतप्रधान नरेंद्र मोदी करणार आहेत. नवीन संसद भवनाचे बांधकाम सेंट्रल व्हिस्टा प्रकल्पाचाच एक भाग आहे. या नव्या संसद भवनाची ही एक झलक…