वानखेडेवर आज मुंबई-दिल्ली लढत, पंड्यासाठी 'करो अथवा मरो'ची परिस्थिती, रोहित पुन्हा कर्णधार होणार?
1605 views
क्रीडा चे व्हिडिओ सबस्क्राईब करामुंबईच्या वानखेडे स्टेडियम वर मुंबई इंडियन्सचा आज दिल्ली कॅपिटल्स विरुद्ध सामना रंगणार आहे. रोहित शर्माच्या जागी हार्दिक पंड्याला कर्णधार पद दिल्यानंतर यंदाच्या हंगामातील मुंबईचा हा चौथा सामना असणार आहे. यंदाच्या आयपीएल मोसमात मुंबईने अजून खात उघडलेलं नसून तीनही सामन्यात मुंबईला पराभव स्वीकारावा लागला. रोहित शर्मा च्या जागी पंड्याला कर्णधारपद देणं काही चाहत्यांना आवडलेलं नसताना तीनही सामन्यात मुंबईचा झालेला पराभव हार्दिक पंड्यासाठी अडचणीचा ठरला आहे. त्यामुळे हार्दिक पंड्यासाठी आजचा दिल्ली विरुद्धचा सामना निर्णायक असणार आहे. मुंबई इंडियन्स ने दिल्ली विरुद्ध सामना गमावल्यास हार्दिक पंड्याला कर्णधार पद सोडावं लागेल अशा चर्चा समाज माध्यमांवर सुरू झाल्या आहेत.